Карэспандэнт Еўрарадыё правёў апытанне мінакоў на брэсцкіх вуліцах. Нас цікавіла, з чым яны атаясамліваюць Вялікдзень?
Карэспандэнт: — Што такое Пасха для вас?
Мужчына: — Не ведаю.
Дзядуля: — Пасха — гэта вялікае праваслаўнае свята. Трэба сказаць, што ў савецкі час мы ад яго адлучаныя былі, таму і цяпер добра не ведаем, што гэта такое. Бо было адкуль ўзяць тады інфармацыю.
Маладзён і дзяўчына: — Рэлігійнае свята гэта. Сімвал рэлігійнасці. Ну свята карацей.
Дзяўчына: — Свята вельмі вялікае.
Хлопец: — Рэлігійнае свята нейкае.
Карэспандэнт: — Што для Вас Пасха абазначае?
Пенсіянерка: — Вось ідзі да святара і спытай, калі ты такі разумны!
Малады чалавек: — Адным словам, свята вялікае. Я праваслаўны, дык гэта служба святочная, ну пост, — духоўнае адраджэнне.
Ягоная спадарожніца: — Гэта сямейнае свята. Гэта калі толькі сям’я разам.
Двое юнакоў: — Рэлігійнае свята. Сімвал аб’яднання.
Жанчына: — Уваскрасенне Хрыстова.
Жанчына сталага веку: — Пасха гэта вялікае свята, светлае, радаснае. Мы яго вельмі чакаем.