Twitter Виртуального Бреста Группа в одноклассниках

У Берасці на сценах намалююць яшчэ 17 вершаў беларускіх паэтаў

5 21  Февраля 2020 г.  в 11:50, показов: 1340 : Разное: обо всём понемногу

У Берасці вясной працягнуць маляваць вершы класікаў на сценах, а аўтары ініцыятывы – актывісты АРР “Дзедзіч” – збіраюць сродкі і запрашаюць далучацца.

У Берасці на сценах намалююць яшчэ 17 вершаў беларускіх паэтаў

У канцы мінулага года ў Берасці з’явіліся тры муралы з вершамі беларускіх класікаў. На вуліцах Маякоўскага, Гогаля і Камсамольская прапісаліся творы Максіма Багдановіча, Генадзя Бураўкіна і Ніны Мацяш. Акцыя рэалізоўвалася дзякуючы валанцёрскай ініцыятыве #vershybrest пры падтрымцы Агенцтва рэгіянальнага развіцця “Дзедзіч”.

У Берасці на сценах намалююць яшчэ 17 вершаў беларускіх паэтаў

Пасля стварэння трэцяга мурала стала зразумела, што ў берасцейцаў ёсць вялікая цікаўнасць да працягу ініцыятывы. Гарвыканкам даў згоду на працяг праекта і было вырашана, што ў горадзе можна стварыць яшчэ 17 такіх муралаў. Зараз аўтары праекта просяць дапамогі ў гараджан.

У Берасці на сценах намалююць яшчэ 17 вершаў беларускіх паэтаў

Чым можна дапамагчы:

  1. Прапанаваць свае ідэі і пасля прагаласаваць за вершы, якія будуць напісаныя на сценах гарадскіх будынкаў. Дастаткова проста запоўніць форму: https://docs.google.com/forms/d/e/1FAIpQLSd9qsFLYYeqaNz6l0LNW7IsAY9I7pfvKjNlah-6QRzux3ZFOw/viewform
  2. Калі ты мастак ці дызайнер, можаш прапанаваць сваю крэатыўнасць і досвед і папрацаваць над стварэннем вершаваных арт-аб’ектаў. Проста напішы нам на пошту dzedzich.video@gmail.com і мы звяжамся з табой.
  3. І самае галоўнае – актывістам патрэбна дапамога рублём. Сродкі патрэбны на фарбу, трафарэты (плотэрную рэзку) і працу мастакоў. Падтрымаць акцыю можна на MolaMola.by. Агульная сума, якая неабходна на стварэнне 17 муралаў, складае 3400 рублёў: https://molamola.by/campaigns/2142?tab=about

Як распавёў каардынатар акцыі, валанцёр АРР “Дзедзіч” Дзяніс Рабчук, ужо зараз ёсць 3 вершы, для якіх быў створаны візуал і атрыманы дазвол гарадскіх уладаў:

– Як толькі мы збярэм патрэбную суму, а тэмпература паветра перавысіць 10 градусаў – пачнем нанясенне іх на сцены. Часткова абраныя і месцы для стварэння наступных муралаў. Запрашаем берасцейцаў актыўна выказвацца наконт таго, якія вершы варта размясціць, а мастакоў і графікаў – прапаноўваць візуал у любых формах: проста тэкст прыгожым шрыфтам, леттэрынг, графічны партрэт паэта ці нешта яшчэ. Таксама просім берасцейцаў падтрымаць нашу ініцыятыву фінансамі.

Акцыя АРР “Дзедзіч” знайшла падтрымку старшыні берасцейскага гарвыканкаму Аляксандра Рагачука. Вялікую дапамогу ў выбары месцаў для малюнкаў і ў аператыўным выкананні неабходных адміністрацыйных працэдур і дазволаў аказалі галоўны архітэктар Берасця Мікалай Уласюк і кіраўнік аддзела ідэалогіі Генадзь Іванчын.

Источник информации: Прэс-служба АРР “Дзедзіч”

Telegram, Viber, Вконтакте, Facebook, Twitter, Instagram и Яндекс.Дзен

Система Orphus

Оставить свой комментарий можно после
регистрации и авторизации на сайте


kuvalda 2020-02-21 12:14
вось таким чынам и адраджаецца мова
найлепш за усе

-13

Сердитый скептик 2020-02-21 12:18
Главное, чтобы стихи были написаны на грамотном современном языке. А не на ььььььььь.

+17

Сердитый скептик 2020-02-21 11:59
У Берасці

Дзе гэта?

+5

Pilot 2020-02-21 12:24
Это наверное там же где и Белоруссия!

+11

Сердитый скептик 2020-02-21 13:42
Скорее там где всяческие княжества. В замшелом прошлом.

+10


Страницы: [1]