19.12.2019 года ў 20-02 пінскім ратавальнікам паступіла паведамленне аб пажары ў жылым доме ў аграгарадку Сошна на вул. Цэнтральнай.
Падраздзяленні МНС прыбылі да месца здарэння: дом быў цалкам ахоплены агнём, дах часткова абрынуўся. Да гэтага моманту суседка 1992 г. н. выратавала гаспадара дома, пенсіянера 1950 г. н. (выявіла яго на ложку ў жылым пакоі).
Пасля агляду брыгадай СМП з папярэднім дыягназам «атручэнне прадуктамі гарэння, апёкі» мужчына шпіталізаваны.
Пажар лакалізаваны і ліквідаваны. Агнём пашкоджаны дах, перакрыцце і маёмасць у доме.
