Twitter Виртуального Бреста Группа в одноклассниках

Кіраўніцтва вобласці віншуе жыхароў Берасцейшчыны з Днём Незалежнасці Рэспублікі Беларусь!

2  Июля 2010 г.  в 13:55 : Праздники, события, мероприятия

Дарагія землякі!

Прыміце шчырыя віншаванні з Днём Незалежнасці Рэспублікі Беларусь!

Гэта галоўнае дзяржаўнае свята, у якім зліліся ў адзінае вялікія і святыя падзеі - Вызваленне, Перамога і Незалежнасць.

У гэты дзень мы выказваем словы шчырай падзякі ветэранам, якія ў гады ваеннага ліхалецця мужна адстаялі нашу свабоду і незалежнасць.

Высокі гонар і адказнасць для людзей трэцяга тысячагоддзя – з'яўляцца наследнікамі перамогі і славы папярэдніх пакаленняў. Мы павінны пранесці па жыцці і перадаць дзецям і ўнукам годнасць пераможцаў, памяць аб ахвярах у гады Вялікай Айчыннай вайны.

Найлепшы падарунак для нашых ветэранаў – гэта сённяшняя моцная і квітнеючая Беларусь, якая ствараецца штодзённай працай кожнага з нас. Менавіта ад нас залежыць, якой будзе будучыня нашай краіны і роднага краю.

Спадзяемся, што жыхары Берасцейшчыны і надалей будуць рабіць усё магчымае, каб захаваць і прымножыць эканамічны і інтэлектуальны патэнцыял вобласці.

Паважаныя землякі!

У гэты святочны дзень шчыра жадаем вам міра, шчасця, здароўя, дабрабыту і поспехаў ва ўсіх справах. Няхай Дзень Незалежнасці заўсёды будзе для вас днём радасці і гонару за Беларусь!

Брэсцкі абласны выканаўчы камітэт
Брэсцкі абласны Савет дэпутатаў