Работніца УАЗ “Івацэвіцкая ЦРБ” раніцай рухалася на веласіпедзе на работу. Непадалёку ад вёскі Панкі яна сутыкнулася з нечаканым відовішчам: на абочыне аўтадарогі стаяў чорны “БВМ” без нумарных знакаў, у салоне аўто знаходзіліся мужчыны ў масках з проразямі для вачэй; у руках яны… трымалі зброю.
Жанчына патэлефанавала ў РАУС на нумар 102. На месца выехала міліцыя; мы спынілі дадзены аўто ўжо ў Івацэвічах. У салоне “БМВ” знаходзіліся мужчыны, у аўтамабілі знаходзіліся маскі і муляжы зброі – аўтаматы. Мы запатрабавалі даць тлумачэнні.
Мужчыны – усе яны з Івацэвічаў, нідзе не працуюць, некаторыя з іх раней судзімыя – патлумачылі: яны збіраюцца пажартаваць над сваім сябрам у такой вось незвычайнай форме. Так бы мовіць, паднесці сюрпрыз… Мы накіравалі арыенціроўку на гэтых мужчын ва ўсе райаддзелы міліцыі Брэстчыны, але пакуль ніякіх сігналаў, якія б сведчылі, што хто-небудзь з гэтых мужчын пакінуў крымінальны “след”, не атрымалі.
Але літаральна на наступны дзень паступіў новы зварот у райаддзел міліцыі: з парушэннем хуткасных рэжымаў і Правіл дарожнага руху па вуліцы райцэнтры імчыць чорны “БМВ”. Супрацоўнікі ДАІ адрэагавалі аператыўна і з прымяненнем спецсігналаў спынілі аўто, вадзіцель якога, падкрэслю асобна, не адразу спыніўся на законныя патрабаванні міліцыянера. На сённяшні момант аўтамабіль знаходзіцца на штрафстаянцы, мы праводзім разбіральніцтвы з вадзіцелем “БМВ”, у адносінах да якога пачаты адміністрацыйны працэс.
Папярэджу: калі гэтыя маладыя людзі або хто-небудзь яшчэ мае жаданне “пажартаваць” з законам, апрануўшы маскі або выкарыстоўваючы муляжы зброі, то памятайце: усе падобныя “жартачкі” – рабаванне, разбой, – якія фіксуюцца амаль кожны год, раскрыты, а вінаватыя на доўгі тэрмін селі за краты. Узгадваю выпадак мінулага года, калі раней судзімы мужчына ноччу прабраўся ў дом пенсіянеркі з Любішчыцаў і, прымяняючы насілле, адабраў у жанчыны немаленькую суму грошай. Але цешыўся гэты мужчына толькі некалькі гадзін – у хуткім часе на яго руках зашчоўкнуліся наручнікі; ён атрымаў сур’ёзны тэрмін пазбаўлення волі.
…Літаральна штодзень у райаддзел міліцыі тэлефануюць людзі. Звяртаюць увагу на тое, калі, на іх погляд, за руль аўто сеў нецвярозы вадзіцель, калі падазроныя незнаёмцы выносяць рэчы з кватэры або збіраюцца здзейсніць злачынства… Нядаўна патэлефанавала жанчына, якая паведаміла: яе муж, знаходзячыся ў стане алкагольнага ап’янення, сеў за руль іх аўто і кудысьці паехаў... На ўсе падобныя сігналы мы ў абавязковым парадку рэагуем, нярэдка затрымліваем злачынцаў або раскрываем злачынствы, дзякуючы нераўнадушнасці нашых суграмадзян. Таму дзякую ім за грамадзянскую нераўнадушнасць, заклікаю і надалей звяртацца ў райаддзел міліцыі, калі з’яўляюцца падазрэнні. Разам мы зможам выкараніць крымінал і зрабіць наша грамадства больш бяспечным.
Аляксандр ГУК, начальнік Івацэвіцкага РАУС
по информации УВД Брестского облисполкома
Работніца УАЗ “Івацэвіцкая ЦРБ” раніцай рухалася на веласіпедзе на работу. Непадалёку ад вёскі Панкі яна сутыкнулася з нечаканым відовішчам: на абочыне аўтадарогі стаяў чорны “БВМ” без нумарных знакаў, у салоне аўто знаходзіліся мужчыны ў масках з проразямі для вачэй; у руках яны… трымалі зброю.