Twitter Виртуального Бреста Группа в одноклассниках

Заходнебеларуская архітэктура. Брэст. Частка 5

17  Декабря 2013 г.  в 13:29 : История города Бреста

Архітэктурны ансамбль плошчы Леніна складаецца з будынкаў амаль усіх архітэктурных стыляў, што былі папулярныя ў міжваеннай Польшчы. І што цікава, большасць гэтых пабудоў да сённяшняга дня выконвае тую ж ролю, якая была ім адведзена з моманту пабудовы.

Агульны від плошчы.

Заходнебеларуская архітэктура. Брэст. Частка 5

Плошча Леніна на нямецкім аэрафотаздымку 1941-га.

Заходнебеларуская архітэктура. Брэст. Частка 5

Плошча Леніна на сучаснай мапе гугла.

Заходнебеларуская архітэктура. Брэст. Частка 5

Гэтае месца пачало актыўна забудоўвацца ў пачатку 1920-х, да гэтага моманту, у часы Расійскай Імперыі, тут была так бы мовіць "ахоўная зона" крэпасці - шырокая паласа незабудаванай зямлі вакол умацаванняў, якая б забяспечвала добрую агляднасць подступаў да крэпасці.

Галоўны будынак плошчы - гэта канешне Брэсцкі аблвыканкам. Пабудаваны ў 1938 годзе, як адміністрацыйны будынак Палесскага Ваяводства, цэнтрам якога быў Брэст.

Заходнебеларуская архітэктура. Брэст. Частка 5

 Пабудова ў стылі суровага адміністрацыйнага функцыяналізма.

Заходнебеларуская архітэктура. Брэст. Частка 5

Менавіта ля гэтага будынку ў верасні 1939 года стаялі ўдзельнікі сумеснага нямецка-савецкага параду ў Брэсце.

Заходнебеларуская архітэктура. Брэст. Частка 5

Ля параднага увахода быў узняты сцяг Трэцяга Рэйху, затым спушчаны ў знак перадачы горада СССР.

Заходнебеларуская архітэктура. Брэст. Частка 5

Заходнебеларуская архітэктура. Брэст. Частка 5

У савецкія часы польскі будынак быў расшыраны - дабудаваны два крыла. Больш сучаснае левае крыло (1960 года) вылучаецца па стылі ад асноўнага будынка.

Заходнебеларуская архітэктура. Брэст. Частка 5

Справа ад аблвыканкама знаходзіцца абласное ўпраўленне Нацбанка Беларусі.

Заходнебеларуская архітэктура. Брэст. Частка 5

Неакласічны будынак узведзены ў 1925 годе паводле праекта архітэктара Станіслава Філасевіча (аrch. Stanislaw Filasiewicz). У міжваеннае двадцацігоддзе тут знаходзілася аддзяленне Банка Польскага.

Заходнебеларуская архітэктура. Брэст. Частка 5

Заходнебеларуская архітэктура. Брэст. Частка 5

За былым адзяленнем Банка Польскага знаходзіцца яшчэ адзін функцыяналісцкі “кубік”.

Заходнебеларуская архітэктура. Брэст. Частка 5

Зараз тут месціцца брэсцкае аддзяленне КДБ.

Заходнебеларуская архітэктура. Брэст. Частка 5

Яго крыло, што выходзіць на вуліцу Леванеўскага, хутчэй за ўсё таксама пабудавана ў 1930-я.

Заходнебеларуская архітэктура. Брэст. Частка 5

Насупраць гэтага крыла знаходзіцца цудоўны абразчык архітэктурнага стылю, што панаваў у міжваеннай Польшчы у 1920-я, а менавіта “стылю нарадовага” (ці “закапанскага стылю»).

Заходнебеларуская архітэктура. Брэст. Частка 5

Заходнебеларуская архітэктура. Брэст. Частка 5

Будынак, хутчэй за ўсё будаваўся як жылы. Формамі ён падобны на шматкватэрныя жылыя дамы архітэктара Юліяна Лісецкага, адзін з каторых добра захаваўся ў Маладзечне. Цяпер у гэтым брэсцкім доме знаходзіцца гарадскі суд.

Заходнебеларуская архітэктура. Брэст. Частка 5

Як сведчыць таблічка на сцяне дома, тут ў 1944 годзе знаходзіўся штаб 1-га Беларускага фронту пад кіраўніцтвам маршала Ракасоўскага.

Заходнебеларуская архітэктура. Брэст. Частка 5

Калі вярнуцца да будынку аблвыканкама і паглядзець налева, то можна пабачыць яшчэ две міжваенныя пабудовы. Першая, гэта жылы дом 1920-х, у якім цяпер месціцца адміністрацыя Ленінскага раёна горада Брэста.

Заходнебеларуская архітэктура. Брэст. Частка 5

Заходнебеларуская архітэктура. Брэст. Частка 5

Магчыма, гэты дом - варыяцыя на тэму архітэктурнага праекту шматкватэрнага дому Юліяна Лісецкага, які ён зрабіў для Брэста ў пачатку 1920-х.

Заходнебеларуская архітэктура. Брэст. Частка 5

Заходнебеларуская архітэктура. Брэст. Частка 5

Будынак на архіўных фотаздымках парада 1939 года.

Заходнебеларуская архітэктура. Брэст. Частка 5

Заўважце, што былая вуліца Люблінскай Уніі (цяперашняя вул.Леніна) ў 1930-я была забрукавана трылінкай.

Заходнебеларуская архітэктура. Брэст. Частка 5

За гэтай пабудовай знаходзіцца будынак Першай брэсцкай бальніцы хуткай дапамогі.

Заходнебеларуская архітэктура. Брэст. Частка 5

Функцыяналісцкі будынак бальніцы 1923 года.

Заходнебеларуская архітэктура. Брэст. Частка 5

Характэрная рыса як польскага функцыяналізма, так і савецкага канструктывізма - паўкруглыя лесвічныя пралёты з вертыкальным стужкавым асцякленннем.

Заходнебеларуская архітэктура. Брэст. Частка 5

Дарэчы, на вуліцы Белова, што ідзе ўздоўж бальніцы, захаваўся участак, забрукаваны трылінкай.

Заходнебеларуская архітэктура. Брэст. Частка 5

Уладзімір Садоўскі, спецыяльна для Гістарычнай праўды