У адным з нумароў «Раённыя будні» пісалі пра сямейку лебедзяў, якія працяглы час заставаліся на сажалцы каля магазина «Лотас».
Амаль усе птушкі адляцелі, аднак на вадаёме засталіся двое маладых лебедзяў, якія, мабыць, вырашылі зімаваць тут. Калі ўзяліся маразы, сажалка стала замярзаць, і мясцовыя жыхары выклікалі на дапамогу супрацоўнікаў райаддзела па надзвычайных сiтуацыях.
Было вырашана адлавіць прыгажуноў. Зараз лебедзі знаходзяцца на гарадскіх ачышчальных збудаваннях.
На здымку: у аперацыі па адлову задзейнічалі плыўсродкі.
