Гэты праект БЕЛТА прысвечаны 65-годдзю Перамогі ў Вялікай Айчыннай вайне, назва выстаўкі гаворыць сама за сябе. На фатаграфіях у розныя гады, ад грозных 40-х да пачатку XXI стагоддзя, адлюстраваны тыя, хто ствараў перамогу, - не абстрактныя гістарычныя сілы, а жывыя людзі, нашы суайчыннікі, якія абаранілі бацькоўскі дом. Менавіта яны і ёсць гісторыя. Менавіта ў іх вачах - ціхі агонь мудрасці перажытога вопыту тых невыносных дзён.
На адкрыцці выстаўкі прысутнічалі першы намеснік генеральнага дырэктара Беларускага тэлеграфнага агенцтва Ігар Луцкі, ветэраны вайны і працы, якія жывуць у Брэсце, прадстаўнікі працоўных калектываў і органаў мясцовай улады, маладзёжныя актывісты, студэнты Брэсцкага дзяржаўнага ўніверсітэта імя Пушкіна.
У горадзе над Бугам выстаўка будзе працаваць да 28 мая.
Источник информации: Текст - БЕЛТА, фото - Александр ШУЛЬГАЧ
Источник информации: Текст - БЕЛТА, фото - Александр ШУЛЬГАЧ