Twitter Виртуального Бреста Группа в одноклассниках Скайп Виртуального Бреста Viber Виртуального Бреста

 Урок дабрыні: эколага-паэтычная акцыя "чысты лес" - фото

Урок дабрыні: эколага-паэтычная акцыя "чысты лес"

2 10  Октября 2017 г.  в 19:17, показов: 477 : Разное: обо всём понемногу

Эколага-паэтычную акцыю "Чысты лес" з вучнямі Мачульскай базавай школы Столінскага раёна правяла паэтэса, празаік, публіцыст, лаўрэат абласной літаратурнай прэміі Брэсцкага аблвыканкама імя Уладзіміра Калесніка (2017 г.) Галіна Сідараўна Бабарыка.

Урок дабрыні: эколага-паэтычная акцыя "чысты лес"

У рамках акцыі вучні даведаліся аб правілах бяспекі, паслухалі вершы пра прыгажосць беларускай прыроды і актыўна паўдзельнічалі ў навядзенні парадку ў лесе. 


Читать полностью в источнике с фото: http://virtualbrest.by/news50282.php

Урок дабрыні: эколага-паэтычная акцыя "чысты лес"

Галіна Сідараўна ў свой час правучылася ў Мачульскай школе восем гадоў. Пасля заканчэння Магілёўскага педвучылішча, затым педінстытута атрымала дыплом настаўніка малодшых класаў і вярнулася ў родную школу, дзе і працуе па сённяшні дзень.


Читать полностью в источнике с фото: http://virtualbrest.by/news50282.php

Урок дабрыні: эколага-паэтычная акцыя "чысты лес"

Палескія прасторы, богатыя і шчодрыя бары і гаі, непаўторнае чараўніцтва наваколля сталі для настаўніцы з глыбінкі не проста лёсам, але і натхненнем, невычарпальнай крыніцай светлых думак, любові да сваёй зямлі. Невыпадкова Галіна Сідараўна з’яўляецца лаўрэтам прэстыжных літаратурных конкурсаў, у тым ліку і Міжнароднага літаратурнага конкурсу “Сям’я – Адзінства – Айчына” (2014), мае важкія ўзнагароды і дыпломы. 

А першыя вершы таленавітая паэтэса напісала ў дзесяцігадовым узросце. 


Читать полностью в источнике с фото: http://virtualbrest.by/news50282.php

Урок дабрыні: эколага-паэтычная акцыя "чысты лес"

І хто ведае, магчыма, сярод вучняў, чые добрыя сэрцы пачулі дзівосны голас лесу, прасякнуліся радкамі прыгожай лірыкі сваёй настаўніцы і – не на словах, а на справе – дапамаглі лесу стаць больш чыстым і светлым, ужо расце будучы паэт.

Таццяна Дземідовіч, старшыня Брэсцкага
абласнога аддзялення Саюза пісьменнікаў Беларусі

ГАЛІНА БАБАРЫКА

Пейзажы восені

Страсае восень з дрэў лісты                        
Яшчэ нясмела і няспешна,
Паслухай… Чуеш? Ціха песню
У тумане шэпчуць чараты.
На ніцях – ягады-рубіны,
Імшары рдзеюць іх святлом.
Журботны вокліч. На крыло
Ланцуг узняўся жураўліны.
Ад сонца зажаўцела даль
Пад лёгкім цюлем павуціны.
На плечы стройныя рабіна
Надзела каляровы шаль.
Спраўляе ў яркай прыгажосці
Прырода свой адвечны баль
Ёй фарбаў не шкада, на жаль…
Да восені спяшаю ў госці.
Зрывае восень з дрэў лісты
І сцеле, сцеле іх паспешна…
Ты чуеш? Словы новай песні
Кілім шапоча залаты.

Мелодыі

Восень… Палае пажарам лістота.
Бабіна лета пасецца ў лугах.
Крык жураўліны апошняю нотай
Скоціцца ўніз і замрэ ў верасах.
Ягад рабіны апошнія гронкі,
Нібы ліхтарыкі, свецяць здаля,
Мрояцца сонцам над роднай старонкай,
Сонцам, якое стварыла зямля.
Нотай надрыўнаю восень-царыца
Скончыць іграць залаты паланэз.
Срэбная з неба ляціць калясніца,
Поўная снегу і белых імпрэз.

  • Комментарии на сайте
  • Нашли ошибку? Crtl+Enter
  • Отправить свою новость

Внимание! Перед публикацией ознакомьтесь с правилами! Гадости писать тут!
captcha
Обновить

ліхтарых_гость 2017-10-13 08:06
Глыток свежага паветру, чысціні і цеплыні!
Вялікі дзкуй!
Дабра і міра нашым дзеткам. Няхай усё дрэннае іх абходзіць бокам, а паэзія, прырода і добрыя людзі будуць засёды побач!
[Ответить] [Ответить с цитатой]
0

Зук_гость 2017-10-10 21:54
Прыемна такое чытаць. Дзякуй
[Ответить] [Ответить с цитатой]
+4


Страницы: [1]

Настройки Нашли ошибку в тексте?Если вы нашли ошибку в тексте, просто выделяйте её, и нажмите CTRL+Enter.

Доступны только для зарегистрированных пользователей. К примеру, можно отключить практически всю рекламу на сайте.
Система Orphus

Если вы располагаете информацией, которая касается города Бреста, вы можете отправить ее нам для публикации. Это может быть любое интересное событие, происшествие и т.д. К сообщению (текст) вы можете прикрепить несколько фотографий. Если укажите свой e-mail, у нас будет возможность связаться с вами, и задать вам несколько вопросов. Телефон нужен для более оперативной связи. Любое из полей может быть незаполнено.

Попробуйте прямо сейчас! - открыть загрузчик (в новом окне). Спасибо вам!