Сустрэцца на жыццёвым шляху з сапраўдным настаўнікам-вялікае шчасце. З часам забываюцца формулы, тэарэмы, правілы, але назаўсёды застаецца памяць аб тым, хто ўласным прыкладам і ўлюбёнасцю ў свой прадмет вучыць сумленнасці, справядлівасці, адказнасці. Гэтыя словы можна аднесці да Жанны Уладзіміраўны Ляшчынскай, настаўніка гісторыі ДУА “Сярэдняя школа №7 г. Брэста”.
Свой конкурсны ўрок па тэме: Пярэдняя Азія ў Старажытнасці настаўніца правяла ў сваім 5-Б класе. Кожны ўрок імкнецца разнастаіць рознымі цікавымі формамі і метадамі, каб пагрузіць вучняў у свет гістарычных лёсаў, перыядаў.
Захапляльнае падарожжа з прыпынкамі: старая карта, клінапіснае пісьмо,таямніцы чорнай скрыні, гістарычныя загадкі- дапамаглі вучням за кароткі час узнавіць веды па вывучаным раздзеле.Вучні разам з настаўнікам робяць цікавыя выставы творчых прац па гістарычных тэмах. Зробленае сваім рукамі, дапамагае лепш запомніць гістарычныя факты.
Яе вучні неаднаразова станавіліся пераможцамі заключнага этапу рэспубліканскай алімпіяды, стыпендыятамі спецыяльнага фонду Прэзідэнта Рэспублікі Беларусь па сацыяльнай падтрымцы адораных вучняў.
У сваім эсэ настаўніца разважае над пытаннем, як зрабіць цікавым навучанне ў школе? На пытанне, калі б можна было павярнуць жыццё назад, кім бы вы хацелі стаць, настаўніца сціпла, але ўпэўнена адказала:”Настаўнікам хачу быць…”