ІII Мiжнародная навукова-практычная канферэнцыя "Эколага-эканамiчны механiзм захавання бiялагiчнай разнастайнасцi асаблiва ахоўных тэрыторый" пройдзе 5-6 верасня ў нацыянальным парку "Белавежская пушча", паведамiлi карэспандэнту БЕЛТА ў сектары па сувязях з грамадскасцю Беларускага рэкламна-iнфармацыйнага агенцтва Кiраўнiцтва справамi Прэзiдэнта Рэспублiкi Беларусь.
Сваiм вопытам у галiне развiцця i захавання бiяразнастайнасцi запаведных тэрыторый падзеляцца амаль 30 вучоных з Беларусi, Расii i Украiны. У ходзе канферэнцыi плануецца разгледзець механiзмы фiнансавання нацыянальных паркаў у розных краiнах, абмеркаваць новыя падыходы кiравання асаблiва ахоўнымi тэрыторыямi.